ప్రయాణం
అది ఒక పల్లెటూరు పక్కనున్న ఓ చిన్న పట్టణము. గజిబిజిగా, గంభీరంగా ఉండే ప్రదేశం అది. అటొక మెట్రోపొలిటెన్ సిటీకి, ఇటు పల్లేటూరుకు మధ్యనుండే ప్రాచుర్యం పొందుతున్న ఓ చారిత్రక నగరం. కనుమరుగవుతున్న పల్లెటూరు తత్త్వానికి, అతి చేరువలోవున్నా పూర్తిగా ఆవహించుకోని నాగరికత మధ్యలో జీవిస్తున్న ఆశావాహిత జీవితాలు. వారిలో ఒకరితో ఈ ప్రయాణం... సూరీడు తన కాంతులను వెదజల్లకముందే తన చూపులతో ఈ లోకాన్ని స్వాగతిస్తూ తన ఇంటి ద్వారాన్ని తెరుస్తూ నడక ప్రారంభించాడు పొడుగాటి, బకపలుచని తాత, తన జీవిత అనుభవాల బరువుతో. అయినా దరి రాడే ఈ సూరీడు?? ఆ పాప చిరునవ్వుల కాంతి వెదజల్లకుండానే ఏల సూరీడు. అగొ, అదిగో చెవులు, కనులు రెండూ ఒక్క సారే తెరలేపినయి జీవన క్రాంతి వెతుకులాటని ఆ ఇంటిలొ. అటు, ఇటు గెంతులేస్తూ, అందరిని ఆగం చేసి లేపి, తన చిన్నరి పాదాలతో ఈ భువిని పలకరిస్తూ పులకింపజేస్తు తన కలనే వెంటాడుతున్న అన్నంత వేగంతో తడబడుతూ, ముందుకెళ్తూ దూసుకుపోతుంది తన గది నుంచి మరో గదిలోకి. బెడ్ పైకి ఎక్కి భామ్మ అంటూ మోము పై చిట్టి చేతులను రాల్చి లేపబోయి పడుకున్న ప్రశాంతతను చూసి ఆగిపోయింది. మెల్లిగా అవ్వ భుజాన తలబెట్టి మళ్లీ ఆహ్వానించింది అందరి...